images
UN
UN
အရေးကြီးကုန်စည်နှင့် ဝန်ဆောင်မှုဥပဒေ
မောင်ဉာဏ်စိန် Saturday, 06 June 2020
ပြည်ထောင်စုသမ္မတမြန်မာနိုင်ငံတော် အစိုးရ စီးပွားရေးနှင့်ကူးသန်းရောင်းဝယ် ရေးဝန်ကြီးဌာနသည် ၂ဝ၂ဝ ပြည့်နှစ် မတ်လ ၃ဝ ရက်စွဲဖြင့် အမိန့်ကြော် ငြာစာအမှတ် ၂၁/၂ဝ၂ဝ ကို ထုတ်ပြန်ခဲ့ သည်။ ယင်းအမိန့်ကြော်ငြာစာ၏ အပိုဒ် (၁)တွင် ဖော်ပြချက်အရ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ- ၄၊ပုဒ်မခွဲ(က)အရ အောက်ဖော်ပြ ပါ ကုန်စည်များကို အရေးကြီးသော ကုန် စည်များအဖြစ် သတ်မှတ်လိုက်ကြောင်း ဖော်ပြထားသည်ကို တွေ့ရသည်-
(က) Coronavirus disease 2019 (COVID-19)ကာကွယ်ထိန်းချုပ်၊ ကုသရေးဆိုင်ရာ၊ ကျန်းမာရေး အထောက်အကူပြုပစ္စည်းများ
(ခ) ဆေးဝါးများ
(ဂ) စားသုံးကုန်ပစ္စည်းများ
အမိန့်ကြော်ငြာစာ၏အပိုဒ် (၂) တွင် အပိုဒ် (၁) ပါ ကုန်စည်များကို ဈေးကွက် အတွင်း ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ သို့မဟုတ် ဈေးကစားရန် ရည်ရွယ်ချက်ဖြင့် သို လှောင်ခြင်းကို အမိန့်ကြော်ငြာစာထုတ် ပြန်သည့်နေ့မှစ၍တားမြစ်လိုက်ကြောင်း ဖော်ပြထားသည်။
အမိန့်ကြော်ငြာစာ၏ အပိုဒ်(၃)တွင်မူ အပိုဒ်(၁)ပါ ကုန်စည်များကို ဈေးကွက် အတွင်း ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ သို့မဟုတ် ဈေးကစားရန် ရည်ရွယ်ချက်ဖြင့် သို လှောင်ခြင်းများ ဆောင်ရွက်နေသည်ကို တွေ့ရှိပါက အရေးကြီးကုန်စည်နှင့် ဝန် ဆောင်မှုဥပဒေ ပုဒ်မ(၅) အရ အရေးယူ ခြင်းခံရမည်ဟု အသိပေးကြေညာထား သည်ကို တွေ့ရသည်။
အထက်ဖော်ပြပါ ဥပဒေကို ပြဋ္ဌာန်း ခဲ့သည်မှာ ရှစ်နှစ်မျှရှိပြီဖြစ်သော်လည်း လူစိတ်ဝင်စားသော ဥပဒေတစ်ခုမဟုတ် ချေ။ လူသိနည်းကြသော ဥပဒေတစ်ခု သာဖြစ်သည်။ သို့ရာတွင် ကမ္ဘာ့ကပ် ရောဂါတစ်ခုဖြစ်သည့် COVID-19 ရောဂါ မြန်မာနိုင်ငံသို့ ရောက်ရှိလာ ပြီး အထက်ဖော်ပြပါအမိန့်ကြော်ငြာစာကို ထုတ်ပြန်လိုက်ရသည့်အတွက် ယင်း ဥပဒေကို လူတွေစိတ်ဝင်စားလာကြ သည်။ ပုဒ်မ(၅)အရ ပြစ်ဒဏ်ပေးလျှင် မည်မျှအထိ ကျခံရမည်နည်းဟု သိချင် လာကြသည်။ အထူးသဖြင့် ကုန်စည်သို လှောင်ရေးသမားများ၊ဆေးနှင့်ဆေးပစ္စည်း အရောင်းအဝယ်သမားများက ပို၍သိချင် လာကြသည်။
ဤဥပဒေပြဋ္ဌာန်းရခြင်း၏ ရည်ရွယ် ချက်ကို ပုဒ်မ(၃)တွင် ပြဋ္ဌာန်းထားသည်။ ယင်းပြဋ္ဌာန်းချက်အရ (က)နိုင်ငံသားများ ၏ အကျိုးစီးပွားကို အထောက်အကူပြု မည့် ကုန်စည်များနှင့်ဝန်ဆောင်မှုများကို အကာအကွယ်ပေးနိုင်ရန်၊ (ခ)နိုင်ငံသား များ၏ အကျိုးစီးပွားကို ထိခိုက်စေနိုင် သော ကုန်စည်များနှင့်ဝန်ဆောင်မှုများ ကို ကန့်သတ်တားဆီးရန်၊ (ဂ) ဘေး အန္တရာယ်၊ ကူးစက်ရောဂါနှင့် အခြားမလို လားအပ်သောကိစ္စတစ်စုံတစ်ရာပေါ် ပေါက်နိုင်သည့် ကုန်စည်နှင့်တိရစ္ဆာန်များ အား ပြည်တွင်းသယ်ဆောင်မှု၊ ပြည်တွင်း သို့တင်သွင်းမှုနှင့်ပြည်ပသို့တင်ပို့မှုတို့ကို တားဆီးနိုင်ရန်ဟု ဖော်ပြထားပေသည်။

ပုဒ်မ(၄)တွင်- ၄(က)နှင့် ၄ (ခ)၊ ၄(ဂ)ပါ ကိစ္စရပ်များနှင့် စပ်လျဉ်းပြီး သက်ဆိုင်ရာဝန်ကြီးဌာန အစိုးရအဖွဲ့က အာဏာအပ်နှင်းပိုင်ခွင့်ကို ဖော်ပြထား သည့် တားမြစ်မိန့်၊ စည်းမျဉ်းသတ်မှတ် မိန့်၊ ကြီးကြပ်မိန့်၊ ကာကွယ်မိန့်နှင့်လို အပ်သော အခြားအမိန့်တို့ကို သက်ဆိုင် ရာဝန်ကြီးဌာနတွင် ထုတ်ပြန်ပိုင်ခွင့်ရှိလာ သည်။ ယင်းပြဋ္ဌာန်းချက်အရ စီးပွားရေး နှင့်ကူးသန်းရောင်းဝယ်ရေးဝန်ကြီးဌာန သည် အထက်ဖော်ပြပါ အမိန့်ကြော်ငြာ စာအမှတ် ၂၁/၂ဝ၂ဝ ကို ထုတ်ပြန်ကြေ ညာလိုက်ခြင်းဖြစ်ပေသည်။
ပုဒ်မ (၅)နှင့် (၆)တို့တွင် ပြစ်မှု နှင့်ပြစ်ဒဏ်များကို ဖော်ပြထားသည်။ ပုဒ်မ(၅)အရ မည်သူမဆို ပုဒ်မ(၄)အရ ထုတ်ပြန်သော အမိန့်တစ်ရပ်ရပ်ကို ဖောက်ဖျက်ကြောင်း ပြစ်မှုထင်ရှားစီရင် ခြင်းခံရလျှင် ထိုသူအား အနည်းဆုံး ထောင်ဒဏ်ခြောက်လမှ အများဆုံးထောင် ဒဏ်သုံးနှစ်ထိ ချမှတ်ရမည့်အပြင် ကျပ် ငါးသိန်းထက်မပိုသောငွေဒဏ်လည်း ချမှတ်ခြင်းခံရမည်ဟု ဖော်ပြထားသည်။ ထို့ကြောင့် ပုဒ်မ(၄)ပါ ပြဋ္ဌာန်းချက်တစ် ရပ်ရပ်ကို ဖောက်ဖျက်ကျူးလွန်လျှင် အနည်းဆုံးထောင်ဒဏ်ခြောက်လချမှတ် ရမည့်အပြင် ငွေဒဏ်ပါတပ်ရိုက်ခြင်းခံရ မည်ဖြစ်သည်။ ဤဥပဒေအရ ပြစ်မှုတစ် ရပ်ရပ်ကို ထောင်မချမနေရ၊ ချရမည်ဖြစ် သည်။ ဆေးနှင့်ဆေးပစ္စည်းရောင်းချသူ များ၊ စားသုံးကုန်ရောင်းချသူများ၊ အထူး သတိထားကြရန်ဖြစ်သည်။ ဤဥပဒေကို အမှတ်တမဲ့မနေဘဲ လေ့လာထားသင့်ပေ သည်။ အမြင့်ဆုံးပြစ်ဒဏ်သည် သုံးနှစ် အထိ ရှိသည်ကိုလည်း မမေ့သင့်ပေ။
ပုဒ်မ(၆)ပါ ပြဋ္ဌာန်းချက်အရ ပြစ်မှု နှင့်သက်ဆိုင်သည့် သက်သေခံပစ္စည်းကို ဖျက်ဆီးစေရန် ဖြစ်စေ၊ နိုင်ငံတော် ဘဏ္ဍာ အဖြစ် သိမ်းဆည်းစေရန်ဖြစ်စေ၊ အခြား နည်းဖြင့် စီမံခန့်ခွဲရန်ဖြစ်စေ တရားရုံး တွင် အမိန့်ချခွင့်အာဏာရှိပေသည်။
ပုဒ်မ(၇)တွင် ဤအမှုသည် ရဲအရေး ပိုင်ခွင့်ရှိသော ပြစ်မှုဖြစ်ကြောင်း ဖော်ပြ ထားသဖြင့် ရဲက ဝရမ်းမပါဘဲ ဖမ်းဆီး ခွင့်ရှိပေသည်။
ထို့ကြောင့် ကုန်စည်များ၊ အထူးသ ဖြင့် ဆေးနှင့်ဆေးပစ္စည်းသိုလှောင်သူ၊ ရောင်းချသူများအနေဖြင့် ဤဥပဒေပါ ပြဋ္ဌာန်းချက်များကို သေချာစွာ လေ့လာ ထားသင့်ကြသည့်အပြင် သက်ဆိုင်ရာ ဝန်ကြီးဌာနက ထုတ်ပြန်ကြေညာထား သည့် တားမြစ်ချက်များကိုလည်း တိတိ ကျကျလိုက်နာဆောင်ရွက်သင့်ကြကြောင်း တိုက်တွန်းရေးသားအပ်ပေသည်။